احتجاج

عاشقان ِ مصطفٰیؐ لاکھوں کریں گے احتجاج

سب مسلمانوں کی فکرِ دیں کا ہو گا امتزاج

ایک انبوہ ِ کثیر اور ایک سیلاب ِ عظیم

گنبدِ قائد پہ رکھے گا نبیؐ کے دیں کی لاج

پروفیسر سید ارشدؔ جمیل

03218731547

حجاب

 پردہ خدا کے حکم سےعورت پہ فرض ہے

یہ اک شعار  حرمتِ   دینِ مبین ہے

ملت پہ فرض ہے کہ کریں عورتیں حجاب

رب کی رضا بطاعت صدق الا مین ہے

پروفیسر سید ارشد جمیل

گُلشن بنا ہے بے ثمر اِک ارضِ خار دار

تشکیل کرتی تھی جسے  اپنے  لیے  بہار

وہ  گُل  ہوا  ہے  تیغِ   ستم  خیز  کا   شکار

گُلشن پہ چڑھابیٹھا ہے ظالم خزاں کا بھوت

گُلشن  بنا  ہے  بے  ثمر اِک  ارضِ خار دار

پروفیسر سید ارشدؔ جمیل

انسا نیت کے درد مند چُپ ہوئے ہیں سب۔ پروفیسر سید ارشدؔ جمیل

انسا نیت کے درد مند چُپ ہوئے ہیں سب۔ پروفیسر سید ارشدؔ جمیل

برما میں اہل ِ حق پہ چلی ظالموں کی تیغ

کوئی نہیں جو روک سکے قتلِ بے دریغ

او آئی سی کے کان پہ رینگی نہ جوں تلک

مسلم کے سینے میں نہ چلی حیف اِک چبک

معصوم بچے ہوتے رہے ذبح روز و شب

انسانیت کے درد مند چُپ ہوئے ہیں سب

تیمور و دا رفور میں کل مستعد جو تھے

مظلوم برمیوں کے لئے کیوں نہیں اُٹھے

ہے دوغلی یہ حکمتِ عملی جناب کی

آئے گی جلد زد میں یو این او عتاب کی

ارشد ؔاُفق سے ابھری ہے اسلام کی کرن

چھٹ جائے  گی یقین ہے ظُلمات ِصد زمن

وقت کی پرواز

وقت کی پرواز

قیمتی وقت میں سےدو لمحے

زخمِ دل کے رفو میں بیت گئے

ہائے صبر ورضا کے دو لمحے

بے ثمر گفتگو میں بیت گئے

پروفیسر سید ارشد جمیلؔ

غزل

تکبر سے مٹے گی رسمِ الفت تم نہ سمجھو گے

تصنع سے نہیں ہوتی محبت تم نہ سمجھو گے

تعصب کو نہ بڑھکائو یہ وہ آتش ہے نادانوں

کہ جل کر راکھ ہو گی جس سے خلقت تم نہ سمجھو گے

نہ کیجے تلخ باتیں یہ دلآزاری نہیں اچھی

کہ ٹوٹے دل بھی بن جاتے ہیں آفت تم نہ سمجھو گے

بجائے پرسشِ غم اور کرتے ہو نمک پاشی

ہرا ہوتا ہے یوں زخمِ عداوت تم نہ سمجھو گے

ضمیر ِ سخت جاں دولت کے بدلے بک نہیں سکتا

کرے گا تنگ آکر یہ بغاوت تم نہ سمجھو گے

حفاظت کر نہیں سکتے ہو تم نو خیز غنچوں کی

ہر اِک چہرے پہ ہوگی یاس و حسرت تم نہ سمجھو گے

درندے پالتے ہوں کیوں زمیں کی گود میں ظالم

بڑھے گی اور چاروں سمت وحشت تم نہ سمجھو گے

بنے گا خون مظلوں کا اک دن سیلِ طوفانی

تشدد سے بڑھے اور نفرت تم نہ سمجھو گے

مدد سے بے ضمیروں کی سجا تختِ ستم کب تک

قیامت تک نہیں رہتی حکومت تم نہ سمجھو گے

ہے تعظیم ِ عدالت ہر بشر پر لازمی ارشد ؔ

نہیں تسلیم کیوں حکمِ عدالت تم نہ سمجھو گے

پروفیسر سید ارشد جمیل

03218731547

sarshadjamil@yahoo.com

اسلامیہ کالج سکھر

دلربا ماحول تھا اسلامیہ کالج کا خوب

یاد آئے گر کسی شب دل کا اُٹھ جائے قرار

صولت و فاروق و رومانی منیر و امتیاز

گلشنِ کالج میں تھی علمی عنادل سے بہار

--------------------------------------

ہیں معلم خوب صولت آدمی بھی خوب ہیں

جوبھی ملتا یہ سمجھتا چاہتے ہیں بس مجھے

حضرت ِ صولت نے کالج میں محبت کاشت کی

وہ مجھے تو اک بڑے بھائی کی صورت میں ملے۔

------------------------------------------

اظہر ومسعود و جیلانی امیں مشتاق سے

دوستی اور ربطِ الفت قائم و دائم رہا

چوہدری نے پیار میں گھر میں رکھا میں خوش ہوا

مشورے سے سعی اور منظور کے پھر گھر چلا

-----------------------------------------------

طالب علموں میں لگن تھی اور پڑھتے تھے نصاب

صَرف صحت مند سرگرمی میں ہوتا تھا شباب

یادِ ماضی کو کوئی کہتا رہے ارشدؔ عذاب

خوبصورت یاد ہے میرے نوشتۂ میں صواب