قصرِ جن

بات  آئی نہیں سمجھ   میں   کچھ

ایک گھر میں مکیں ہوں چھ چھ سو!

فو ج  کو  حکم  ہے   ججوں  کا   یہ

جائو   آنکھوں  سے قصر ِ جن  دیکھو

پروفیسر سید ارشد جمیل ؔ

قطعہ

 

تم نے اُستاد کو نہ  دی  وُقعت

یوم ِ استاد  کیوں  مناتے  ہو

آج کرتے ہو کیوں سلام اِنہیں

سال بھر انکو  بھول جاتے   ہو

پروفیسر سید ارشدؔ جمیل

احتجاج

عاشقان ِ مصطفٰیؐ لاکھوں کریں گے احتجاج

سب مسلمانوں کی فکرِ دیں کا ہو گا امتزاج

ایک انبوہ ِ کثیر اور ایک سیلاب ِ عظیم

گنبدِ قائد پہ رکھے گا نبیؐ کے دیں کی لاج

پروفیسر سید ارشدؔ جمیل

03218731547

حجاب

 پردہ خدا کے حکم سےعورت پہ فرض ہے

یہ اک شعار  حرمتِ   دینِ مبین ہے

ملت پہ فرض ہے کہ کریں عورتیں حجاب

رب کی رضا بطاعت صدق الا مین ہے

پروفیسر سید ارشد جمیل

گُلشن بنا ہے بے ثمر اِک ارضِ خار دار

تشکیل کرتی تھی جسے  اپنے  لیے  بہار

وہ  گُل  ہوا  ہے  تیغِ   ستم  خیز  کا   شکار

گُلشن پہ چڑھابیٹھا ہے ظالم خزاں کا بھوت

گُلشن  بنا  ہے  بے  ثمر اِک  ارضِ خار دار

پروفیسر سید ارشدؔ جمیل

انسا نیت کے درد مند چُپ ہوئے ہیں سب۔ پروفیسر سید ارشدؔ جمیل

انسا نیت کے درد مند چُپ ہوئے ہیں سب۔ پروفیسر سید ارشدؔ جمیل

برما میں اہل ِ حق پہ چلی ظالموں کی تیغ

کوئی نہیں جو روک سکے قتلِ بے دریغ

او آئی سی کے کان پہ رینگی نہ جوں تلک

مسلم کے سینے میں نہ چلی حیف اِک چبک

معصوم بچے ہوتے رہے ذبح روز و شب

انسانیت کے درد مند چُپ ہوئے ہیں سب

تیمور و دا رفور میں کل مستعد جو تھے

مظلوم برمیوں کے لئے کیوں نہیں اُٹھے

ہے دوغلی یہ حکمتِ عملی جناب کی

آئے گی جلد زد میں یو این او عتاب کی

ارشد ؔاُفق سے ابھری ہے اسلام کی کرن

چھٹ جائے  گی یقین ہے ظُلمات ِصد زمن

وقت کی پرواز

وقت کی پرواز

قیمتی وقت میں سےدو لمحے

زخمِ دل کے رفو میں بیت گئے

ہائے صبر ورضا کے دو لمحے

بے ثمر گفتگو میں بیت گئے

پروفیسر سید ارشد جمیلؔ